Den som løyser, blir forløyst.
Den som bind, blir bunden.
Den som trøystar, skal få trøyst.
Den som finn, blir funnen.

Den som ikkje spør, får svar.
Den som vågar, vaknar.
Den som bed om det han har,
gløymer alt han saknar.

Den som gir og gir, blir rik.
Fattig den som sparer.
Kvelden er ei dagen lik.
Inga lykke varer.

Den som lever, ser så mangt.
Synd det er å sove.
Att og fram kan synast langt.
Livet er ei gåve.

  Åse-Marie Nesse
  frå ‘Nomadesongar’, 1978